Шаһарда Қажымұқан атындағы спорт кешенінде шахматтан республикалық турнир ұйымдастырылды.Турнирге Түркістан және Жамбыл облыстарынан келген 100-ге жуық бала қатысты.Шахмат додасы жасөспірімдердің ойлау қабілетін дамытуға және олардың арасында шахматқа деген қызығушылықты арттыруға бағытталды. Жарыс барысында қатысушылар өз шеберліктерін көрсетіп, тәжірибе алмасты.
Елде шахмат спорты қарқынды дамып келеді.Бұған дәлел, жылда ұйымдастырылатын жарысқа қатысушылар санының артуы. Ал,бүгінгі сайысқа кіл мықтылар жиналған. Солардың бірі — небәрі 10 жасар талантты жас өрен Медина Жанасқызы. Жас болғанына қарамастан, оның шахмат ойынында жүргеніне 2 жыл болған. Ол қысқа уақыт ішінде үлкен жетістіктерге жетіп, өзін нағыз дарынды тұлға ретінде көрсете білген.
Сондай-ақ, Қажымұқан атындағы спорт кешенінде арнайы турнир залы ашылған. Бұл залда әр апта сайын түрлі байқаулар мен жарыстар ұйымдастырылып, жас таланттар мен спортшыларға өз шеберліктерін көрсетуге тамаша мүмкіндік беріліп отыр. Бұл бастама спортты насихаттап, жаңа дарындарды ашуға үлкен септігін тигізері сөзсіз.
Жарыс қорытындысы бойынша 1 және орынды Шымкент қаласы 16-12 жас аралығындағы жасөспірімдер алса 3 орынды Кентау қаласынан келген жасөспірімдер атанды. Олар дипломдармен және кубоктармен марапатталды. Бұл жеңімпаздар үшін үлкен жетістік қана емес, сонымен бірге олардың еңбегіне берілген лайықты баға.
