Apple әлемдегі ең қымбат компания атағынан айырылды. Бұған Дональд Трамптың тариф саясаты себеп. Компания акцияларының құны 22 пайызға төмендеген. Салдарынан табысы 750 млрд долларға қысқарып, капиталы 2 трлн 590 млрд долларға дейін құлдырады.
Енді МАЙКРОСОФТ көш бастады. Компания капиталы — 2 трлн 640 млрд-қа тең. Ірі технологиялық компаниялардың ішінде Apple қатты зардап шекті. Өйткені компания өндірісі Қытайға тәуелді. Сондай-ақ Үндістан, Вьетнам және Таиландта да зауыттары бар. Ал Дональд Трамп ең көп баж салығын осы елдерге енгізген. Сондықтан сарапшылар айфондардың бағасы еселеп қымбаттайды. Өйтпеген жағдайда Apple-дің табысы едәуір қысқарады, дейді.
