САРЫАҒАШ, КЕЛЕС,ҚАЗЫҒҰРТ, САЙРАМ, ОРДАБАСЫ АУДАНДАРЫ, АРЫС, КЕНТАУ ЖӘНЕ ТҮРКІСТАН ҚАЛАЛАРЫНДА НАУРЫЗ АЙЫНЫҢ 11-14 АРАЛЫҒЫНДА«ҚОНЫС АУДАРУ» ЖӘРМЕҢКЕСІ ҰЙЫМДАСТЫРЫЛАДЫ.
СОЛТҮСТІК ӨҢІРЛЕРГЕ «ҚОНЫС АУДАРУ» ЖӘРМЕҢКЕСІНЕ ПАВЛОДАР, ШЫҒЫС ҚАЗАҚСТАН, СОЛТҮСТІК ҚАЗАҚСТАН ЖӘНЕ АБАЙ ОБЛЫСТАРЫНАН АРНАЙЫ ДЕЛЕГАТТАР КЕЛІП ТҮРКІСТАН ОБЛЫСЫН АРАЛАП, ХАЛЫҚПЕН КЕЗДЕСЕДІ. ҚАНДАЙ САЛАҒА МАМАНДАР ҚАЖЕТ ЕКЕНІН, ҚОНЫС АУДАРҒАН ЖАҒДАЙДА ҚАНДАЙ ҚОЛДАУ КӨРСЕТІЛЕТІНІН ТҮСІНДІРЕДІ. ДЕЛЕГАТТАР «ҚОНЫС АУДАРУ» ЖӘРМЕҢКЕСІНДЕ ХАЛЫҚҚА БОС ЖҰМЫС ОРЫНДАРЫНДА ҰСЫНАТЫН БОЛАДЫ. «ЖҰМЫСПЕН ҚАМТУ ОРТАЛЫҒЫ КЕРЕКТІ МАМАНДАРДЫ ІЗДЕП, СОЛТҮСТІК АУДАНДАРҒА КӨШІРУГЕ АТСАЛЫСАДЫ. ӘР ЖЫЛ САЙЫН ӨЗІМ АВТОБУСПЕН ТҰРҒЫНДАРДЫ СОЛТҮСТІК ҚАЗАҚСТАН АУДАНДАРЫНА АПАРҒАН БОЛАТЫНМЫН. БИЫЛ СӘУІР АЙЫНДА ТҰРҒЫНДАРДЫ СОЛТҮСТІК ҚАЗАҚСТАН АУДАНДАРЫНА ЖІБЕРІП ДЕЛЕГАЦИЯЛАРДЫ КӨРІП ҚАЙТУЫНА КӨМЕКТЕСЕМІЗ» ДЕП МӘЛІМДЕДІ ТҮРКІСТАН ОБЛЫСЫ МАСЛИХАТЫНЫҢ ДЕПУТАТЫ, ЖАҢАБАЙ АҒАБЕКОВ. СОНЫМЕН ҚОНЫС АУДАРҒЫСЫ КЕЛЕТІНДЕРГЕ МЕМЛЕКЕТ ТАРАПЫНАН ҚАНДАЙ ӘЛЕУМЕТТІК КӨМЕК КӨРСЕТІЛЕДІ? ЖАУАПТЫЛАРДЫҢ АЙТУЫНША, БІРІНШІДЕН, КӨШІП БАРҒАН АЗАМАТТАРДЫҢ ЖОЛ ШЫҒЫНЫ ӨТЕЛЕДІ. ЕКІНШІДЕН, ОТБАСЫНЫҢ ӘРБІР МҮШЕСІНЕ АРНАЙЫ ҚАРЖЫ БӨЛІНЕДІ. ҮШІНШІДЕН, 1 ЖЫЛ БОЙЫ ТҰРАТЫН БАСПАНАСЫНЫҢ АҚЫСЫ ТӨЛЕНЕДІ. АЛ ТӨРТІНШІДЕН, ҮЙ САТЫП АЛУҒА НЕМЕСЕ ҮЙ САЛУҒА АЛҒАШҚЫ ЖАРНАСЫН ТӨЛЕП БЕРЕДІ. ЖҰМЫС БЕРУШІЛЕР 3 КҮН БОЙЫ ӨҢІРДЕГІ САРЫАҒАШ, КЕЛЕС, САЙРАМ, ОРДАБАСЫ АУДАНДАРЫН АРАЛАП, СОҢҒЫ КҮНІ ТҮРКІСТАН ҚАЛАСЫНЫҢ ХАЛҚЫМЕН КЕЗДЕСЕДІ.
АЙТА КЕТЕЙІК, 2015 ЖЫЛДАН БЕРІ ЖҰМЫС КҮШІ ЖЕТІСПЕЙТІН СОЛТҮСТІК ӨҢІРЛЕРГЕ ХАЛҚЫ ТЫҒЫЗ ОРНАЛАСҚАН ОҢТҮСТІКТЕН 12 МЫҢ АДАМ ҚОНЫС АУДАРҒАН.
