МЕРЕЙ АЛИЕВ ОРДАБАСЫ АУДАНЫ ПОЛИЦИЯ БӨЛІМІНІҢ УЧАСКЕЛІК ИНСПЕКТОРЫ. АҒА УЧАСКЕЛІК ПОЛИЦИЯ ИНСПЕКТОРЫ ҚЫЗМЕТ ЕТЕТІН АУДАНДА 5 БІРДЕЙ АУЫЛ АРАҚТАН БАС ТАРТҚАН.
СОНЫҢ НӘТИЖЕСІНДЕ ҚЫЛМЫС ОРЫН АЛМАҒАН. КҮНДЕЛІКТІ РЕЙД КЕЗІНДЕ АУЫЛБИЛЕРІН ҚАТЫСТЫРЫП, ОҚУШЫЛАРМЕН ЖИІ КЕЗДЕСУ ӨТКІЗІП, ТҮРЛІ ОҚЫС ОҚИҒАЛАРДЫҢ АЛДЫН АЛУ МАҚСАТЫНДА ЖҰМЫСТАР АТҚАРЫП ЖҮР. МЕРЕЙ АЛИЕВТІҢ ЖҰМЫС КҮНІ ӘДЕТТЕГІДЕЙ, ӨЗІНЕ СЕНІП ТАПСЫРЫЛҒАН ӘКІМШІЛІК УЧАСКЕСІН ШОЛУДАН БАСТАЛАДЫ. БҰЛ ОНЫҢ 7 ЖЫЛДЫН БЕРІ АТҚАРЫП КЕЛЕ ЖАТҚАН ҚЫЗМЕТІ. ТӘЖІРИБЕЛІ ПОЛИЦЕЙДІҢ АЙТУЫНША, АЗАМАТТАРМЕН БАЙЛАНЫС ОРНАТЫП, ОЛАРДЫҢ АРАСЫНДА ҚАНДАЙ ДА БІР ҚҰҚЫҚ БҰЗУШЫЛЫҚТАРДЫ БОЛДЫРМАУ МАҚСАТЫНДА АЛДЫН-АЛУ ШАРАЛАРЫН ӨТКІЗУ АСА МАҢЫЗДЫ МІНДЕТ ЕКЕНДІГІН АЛҒА ТАРТТЫ. «ОСЫ УЧАСТКЕЛІК ТІРЕК ПУНКТІНДЕ 3 АДАМ ҚЫЗМЕТ АТҚАРАМЫЗ. КҮНДЕЛІКТІ ПРОФИЛАКТИКАЛЫҚ ЖҰМЫСПЕН АЙНАЛЫСАМЫЗ. ОНЫҢ ІШІНДЕ БОЛЫП ЖАТҚАН ІС-ШАРАЛАР, ӨЗІМІЗГЕ ҚОЙЫЛҒАН ТАЛАПТАР БАР. СОНДАЙ-АҚ ЖАСТАР ҰЙЫМЫНЫҢ ҚЫЗМЕТКЕРЛЕРІМЕН ЖӘНЕ МЕКТЕП ҚЫЗМЕТКЕРЛЕРІМЕН БІРГЕ ТҮНГІ РЕЙДТІК ШАРАЛАРДЫ ЖҮРГІЗЕМІЗ» ДЕП МӘЛІМДЕДІ ОРДАБАСЫ АУДАНЫ ПОЛИЦИЯ БӨЛІМІНІҢ УЧАСКЕЛІК ИНСПЕКТОРЫ МЕРЕЙ АЛИЕВ. МЕРЕЙДІ АУЫЛ ТҰРҒЫНДАРЫ ЖАҚСЫ ТАНИДЫ. ЕГЕР АЗАМАТТАРДА ҚАНДАЙ ДА БІР СҰРАҚТАР ТУЫНДАСА, ТІКЕЛЕЙ ПОЛИЦЕЙДІҢ АРНАЙЫ ҰЯЛЫ ТЕЛЕФОНЫНА ХАБАРЛАСА АЛАДЫ. ӨЗ ҚЫЗМЕТІНЕ АДАЛ, ҚАНДАЙ ДА БІР МӘСЕЛЕНІ ТҮПКІЛІКТІ ШЕШУГЕ БАР КҮШ-ЖІГЕРІН САЛАТЫН ПОЛИЦЕЙГЕ ТҰРҒЫНДАРДЫҢ ДА СЕНІМІ ЗОР. ҚАРАСПАН АУЫЛ ОКРУГІ 14 АУЫЛДАН ҚҰРАЛҒАН. ЖАЛПЫ ТҰРҒЫНДАР САНЫ 14 800. УЧАСКЕЛІК ПОЛИЦИЯ ИНСПЕКТОРЫ АЗАМАТТАРҒА АРАҚСЫЗ АУЫЛ ЖОБАСЫ БОЙЫНША ЖӘНЕ ІШІМДІКТІҢ САЛДАРЫНАН ҚЫЛМЫС БОЛУЫ МҮМКІН ЕКЕНІН ТҮСІНДІРУМЕН, АЛАЯҚТЫҚ ЖӘНЕ ҰСАҚ БҰЗАҚЫЛЫҚТАР ТУРАЛЫ ДА КЕҢЕС БЕРДІ.
