ӘЙЕЛ-ТІРШІЛІКТІҢ ТІРЕГІ, ОТБАСЫНЫҢ ШАМШЫРАҒЫ, ШАҢЫРАҚТЫҢ ҰЙЫТҚЫСЫ. ӘЛЕМДЕГІ БАР ЖАҚСЫЛЫҚ АНАЛАРДАН ТАРАЙДЫ. БҮГІН ҚАЛАЛЫҚ ЖАСТАР РЕСУРСТЫҚ ОРТАЛЫҒЫНЫҢ ҰЙЫМДАСТЫРУЫМЕН “ӘЙЕЛ БАҚЫТЫ – ҚОҒАМ АЙНАСЫ” ТАҚЫРЫБЫНДА КЕЗДЕСУ ӨТТІ.
ӘЙЕЛ-АНА, ӘЙЕЛ-АРУ, ӘЙЕЛ-ГҮЛ. ҒИБРАТЫ МОЛ КЕЗДЕСУГЕ ЖИЫЛҒАН НӘЗІК ЖАНДЫЛАР ӘЙЕЛДЕР ҚАУЫМЫНЫҢ ҚОҒАМДАҒЫ РӨЛІНЕ АЙРЫҚША ТОҚТАЛДЫ. АЛ ЖИЫННЫҢ НЕГІЗГІ МАҚСАТЫ – ШАҢЫРАҚҚА ШЫРАҚ, ЕРІНЕ ҚУАТ, БАЛА-ШАҒАСЫНА ШУАҚ БОЛЫП ЖҮРГЕН НӘЗІК ЖАНДЫЛАРДЫҢ ТАҒЫЛЫМДЫ ӘҢГІМЕЛЕРІНЕН ҒИБРАТ АЛУ. БҰЛ ТУРАЛЫ «ЖАСТАР РЕСУРСЫ ОРТАЛЫҒЫНЫҢ ҰЙЫМДАСТЫРУЫМЕН 8 НАУРЫЗ ХАЛЫҚАРАЛЫҚ ӘЙЕЛДЕР КҮНІНЕ ҚАРСЫ “ӘЙЕЛ БАҚЫТЫ – ҚОҒАМ АЙНАСЫ” АТТЫ ІС-ШАРА ӨТКІЗІЛІП ЖАТЫР. БҰЛ ШАРА ҚЫЗ-КЕЛІНШЕКТЕРІМІЗДІҢ ҚОҒАМДАҢҒЫ РӨЛІ, ӨСІП КЕЛЕ ЖАТҚАН ҚЫЗДАРЫМЫЗДЫҢ ТӘРБИЕСІ ЖӨНІНДЕ БОЛМАҚ» ДЕП ПІКІРІН БІЛДІРДІ ЗАМАНБЕК ОРЫНБЕКОВ. ӘЙЕЛДЕР ШАҢЫРАҚТЫҢ ҰЙЫТҚЫСЫ, ЫРЫС ПЕН ЫНТЫМАҚТЫҢ АЛТЫН ДІҢГЕГІ. БҮГІНДЕ НӘЗІК ЖАНДЫЛАР ҚОҒАМНЫҢ БАРЛЫҚ САЛАСЫНДА БЕЛСЕНДІ. КЕЗДЕСУГЕ КЕЛГЕН СПИКЕРЛЕР ҒИБРАТТЫ ҒҰМЫРЫНДАҒЫ ЕСТІ ЕСТЕЛІКТЕРІМЕН БӨЛІСТІ. ҚАЗАҚ ХАЛҚЫ ҚЫЗДЫ ТӨРГЕ ШЫҒАРЫП, СЫЙ-ҚҰРМЕТ КӨРСЕТІП, ҚАДІРІН ҰҒЫНҒАН. ТАРАЗЫ БАСЫН ТЕҢ ҰСТАП ЖҮРГЕН НӘЗІК ЖАНДЫЛАРДЫҢ ЕРЕН ЕҢБЕГІ ЖАЙЛЫ ҚАШАН ДА АУЫЗ ТОЛТЫРЫП АЙТУҒА БОЛАДЫ. ЖИЫНДА ҚОҒАМДЫҚ ЖҰМЫСТАРДА БЕЛСЕНДІ НӘЗІК ЖАНДЫЛАРҒА АРНАЙЫ АЛҒЫС ХАТ ТАБЫСТАЛДЫ.
