Павлодар қаласында полицейлер Жетісу облысының 24 және 25 жастағы екі тұрғынын қолға түсірді. Олардан аса ірі көлемде синтетикалық есірткі табылды.
Облыстық ПД хабарлауынша, жедел уәкілдер жүргізген тінту кезінде жасырып таратпақ болған дайын орамдар тәркіленген. Сараптама нәтижесі олардың синтетикалық есірткі екенін растады. Күдіктілер өз кінәсін мойындап, есірткіні алдын ала сатып алғандарын және Павлодар қаласында жасыруға арналған орындарды белгілеп, координаттарын кураторға жіберіп отырғанын айтқан. Қазір аталған факті бойынша қылмыстық іс қозғалып, ұсталғандар қамауға алынды. Істің мән-жайы анықталуда.
