Келес ауданында реновация жобасы бойынша жөндеуден өтіп жатқан бірқатар білім беру мекемелерін араладым. Абай ауылындағы №4 Ж.Баласағұн атындағы жалпы білім беретін мектепте болып, жүргізіліп жатқан құрылыс жұмыстарының барысын қарап шықтым.
Бүгінде Келес ауданы Абай ауылында екі білім ошағы – №1 О.Есімов атындағы және №4 Ж.Баласағұн атындағы мектептер реновация жобасы аясында кешенді жөндеуден өтуде.
Жөндеу жұмыстары аясында мектептердің ішкі және сыртқы инженерлік желілері толықтай жаңартылуда және абаттандыру жұмыстары жүргізілуде.
Нысандарды аралау барысында құрылыс жұмыстарының сапасына, қолданылып жатқан құрылыс материалдарының стандарттарға сәйкестігіне, тапсырысшы тарапынан қадағалаудың дұрыс жүргізілуіне және белгіленген мерзімдерге сай аяқталуына ерекше назар аударуды тапсырдым.
Жоспар бойынша, барлық жөндеу жұмыстары 2025 жылдың жаңа оқу жылы басталғанға дейін толық аяқталып, мектептер оқушылар мен мұғалімдердің игілігіне пайдалануға берілмек. #сырлыкелес
ЖӨНДЕУДЕН ӨТІП ЖАТҚАН МЕКТЕПТЕР БАҚЫЛАУДА
