ТӘРТІП САҚШЫЛАРЫ ҚЫЗЫЛ ЖАЛЫНДЫ ТОҚТАТТЫ
Ақтөбе облысы Темір ауданына қарасты Кеңқияқ ауылында үйдің ауласынан өрт шықты. Сол сәтте ауыл ішінде рейд жүргізіп жүрген полиция қызметкерлері алыстан түтінді байқап, бірден оқиға орнына барған. Олар шұғыл әрекет етіп, жалынды ауыздықтауға кірісті.
Арнайы өрт сөндіру техникасы болмағанымен, тәртіп сақшылары өз күштерімен қауіпті тоқтатуға тырысты. Алдын ала болжам бойынша аптап ыстықтың салдарынан аулада үйілген шөп өздігінен тұтанып, от ағаш қоршауға тараған. Оқиға кезінде үйде зейнеткер жалғыз болған. Ол жалынды ауыздықтаған тәртіп сақшыларына алғыс айтты. Қуанышқа орай, зардап шеккендер жоқ.
