Қытайда алапат су тасқыны болып жатыр. Елдің оңтүстігінде «Вутип» тайфуны соғып бірқатар елді мекен су астында қалды.
Бірнеше күн бойы жауған нөсерден өзен, көлдер толып, жер асты сулары көтерілген. Салдарынан 180 мыңнан астам адам зардап шекті. Жергілікті билік қазіргі табиғи апатты кейінгі 100 жылдағы ең ірі тасқын деп отыр. Тұрғын үйлер мен маңызды жол тораптарын су шайып, жарық пен байланыс үзілді. Ауыл шаруашылығы алқаптары мен жүздеген бизнес нысаны бүлінді. Жергілікті тұрғындар жаппай көшіріліп жатыр. Құтқару жұмыстарына 10 мыңнан астам адам жұмылдырылған.
