Қарағанды облысында үш балықшы құтқарылды.Осакаров ауданында Қ.Сәтбаев атындағы каналда қатты желдің салдарынан үш балықшы өз бетінше жағаға жете алмады.
Оқиға орнына алынған координаттар бойынша ТЖМ жедел құтқару жасағының құтқарушылары дереу шықты.Құтқарушылардың жедел әрекеттерінің арқасында балықшылар жағаға аман-есен жеткізілді. Оларға медициналық көмек қажет болмады.ТЖМ азаматтарды табиғатқа шығу кезінде, әсіресе қолайсыз ауа райы жағдайларында сақтық шараларын сақтауға шақырады.
