АҚШ-та мемлекеттік қызеткерлерге қойылатын талап өзгереді. Енді олар жұмысқа қабылданса да қызметтен босатылса да Президент Дональд Трамптың саяси бағытын қаншалықты қолдайтынына байланысты болады. Бұл туралы The Wall Street Journal басылымы хабарлады.
Санаулы күндерден кейін яғни мамырда Илон Маск Құрама Штаттар үкіметінің тиімділігін арттыру агенттігінің басшылығынан кетпек. Үкімет органдарындағы кадр саясатына бақылау жүргізу міндеті Федералды кадрлар басқармасына жүктеледі. Сөйтіп, шенеуніктер үшін Дональд Трамптың саясатын қолдау негізгі көрсеткіштердің біріне айналады. Жаңа талап 2026 жылдан бастап күшіне енбек. Осыған дейін АҚШ-та мемлекеттік қызметкерлер біліктілігі, іскерлігі мен көшбасшылық қасиеттеріне қарай бағаланатын.
