Ағымдағы жылдың 5 қаңтардан бастап Отбасылық-тұрмыстық зорлық-зомбылыққа қарсы күрес саласында жаңа бөлім өз қызметін бастады. Бұл бөлім тұрмыстық зорлық-зомбылыққа қарсы күресте жинақталған жүйелік мәселелерді шешуге, сондай-ақ азаматтардың құқықтары мен қауіпсіздігін қамтамасыз етуге бағытталған. Жалпы айтқанда:
Отбасы-тұрмыстық қатынастар – ерлі-зайыптылар, бұрынғы ерлі-зайыптылар, бірге тұратын немесе бірге тұрған адамдар, жақын туыстар, ортақ баласы (балалары) бар адамдар арасындағы қатынастар;
Тұрмыстық зорлық-зомбылық — отбасы-тұрмыстық қатынастар аясында бір адамның басқаға (басқаларға) қатысты дене зардабын және (немесе) психикалық зардап келтіретін немесе келтіру қаупі бар құқыққа қарсы қасақана әрекеті (іс-әрекеті немесе әрекетсіздігі);
Тұрмыстық зорлық-зомбылық профилактикасы — тұрмыстық зорлық-зомбылық профилактикасының субъектілері жүзеге асыратын, отбасы-тұрмыстық қатынастар аясында адамның және азаматтың конституциялық құқықтарын, бостандықтары мен заңды мүдделерін қорғауға, тұрмыстық зорлық-зомбылықтың алдын алуға және жолын кесуге, сондай-ақ оларды жасауға ықпал ететін себептер мен жағдайларды анықтауға және жоюға бағытталған құқықтық, экономикалық, әлеуметтік және ұйымдастырушылық шаралар кешені;
Тұрмыстық зорлық-зомбылық профилактикасының субъектілері — тұрмыстық зорлық-зомбылық профилактикасын жүзеге асыратын мемлекеттік органдар, жергілікті өзін-өзі басқару органдары, ұйымдар және Қазақстан Республикасының азаматтары.
Егер серігіңіз сізге бір рет зәбір көрсеткен болса, ол кез келген сылтаумен екінші рет те көрсетеді;
Отбасындағы зорлық-зомбылық жас ерекшелігіне, әлеуметтік, экономикалық, діни, нәсілдік, материалдық, гендік немесе білім шекараларына қарамайды.
Ағымдағы жылғы 20 сәуір мен 20 маусым аралығында республика аумағында «Отбасында зорлық-зомбылықсыз Қазақстан» акциясы өткізіледі.
Акцияның мақсаты- Отбасы тұрмыстық қарым-қатынаста жасалатын қылмыстық құқық бұзушылықтардың алдын алу, отбасындағы зорлық-зомбылыққа жол бермеу.
Егер сізге немесе сіздің жақыныңызға күш көрсетіліп, психологиялық зорлық-зомбылық әрекеті жасалса, бізге хабарласыңыз телефон номері +7747 529 14 38 немесе Біздің мекен – жайымыз: Шымкент қаласы, Желтоқсан 3 мекен-жайында орналасқан, Әл-Фараби аудандық полиция басқармасы №224 кабинетке келіңіз! Біз сізге құқықтық және психологиялық көмек көрсетуге дайынбыз.
