Еуропа үшін 2024 метео бақылау тарихындағы ең ыстық жыл болды. Былтыр орташа температура әдеттегіден 1,6 градусқа жоғары болған. Бұл Эль-Ниньо құбылысы мен климаттың өзгеруінің әсері.
Салдарын әсіресе Германия, Польша, Венгрия, Румыния мен Италия тұрғындары қатты сезінген. Өткен жылы бұл елдерде су тасқыны, қуаңшылық, дауыл мен орман өрті жиі болған. Сарапшылардың есептеуінше, табиғат апаттарынан келген материалдық шығын 18 млрд еуродан асады.
