Алматы әуежайында қызметкерді кепілге алған ер адам кінәсін мойындады. Сотта Машрабек Маратов өз ісінің себебін түсіндірді. Ол сол сәтте үш ай бойы жалақысын ала алмай, қиын кезеңде жүрген екен.
7 наурызда ер адам жұмыс іздеп көшеге шыққан. Жұмыс таппаған соң автобусқа мініп, кері қайтпақ болған. Жол бойы телефоннан жұмыс іздеп отырып, әуежайға қалай келгенін байқамай қалыпты. Оның үстіне әйелім мен ұлыма жалақымды бермей жатқанын айта алмадым дейді.Ол әуежайдағы әрекетін қалай жасағанын білмейтінін айтты. Ер адам сол сәтте эмоциональдық күйде болыпты.
