Еліміз бойынша Түркістан облысы мен Шымкент қаласында газ бағасы өзге өңірлермен салыстырғанда әлдеқайда қымбат. Мәселен 2022-2023 жылдары бір текше метр – 31 теңгеге тіркелген. Ал басқа қалаларда әлдеқайда арзан. Аталған мәселе бүгін жария тыңдалымда талқыланды. жиынға қоғамдық кеңес мүшелері мен «Qazaq Gaz Aimaq» акционерлік қоғамының Шымкент қаласы филиалының өкілдері қатысты.
Газ бағасының республика бойынша теңестірілмеуі бүгінгі отырыста талқыланды. Түркістан облысы еліміз бойынша әлеуметтік жағдайы төмен өңірлердің бірі. Алайда газ бағасы өзге өңірлермен салыстырғанда бірнеше есе жоғары тіркелген. Осы мәселеге байланысты жиын барысында маңызды жобалар талқыланып, баға мәселесін теңестіруге байланысты ұсыныстар айтылды.
Салаға жауаптылар келтірген дерек бойынша тариф құны жылына бір рет бекітіліп отырады. Сондай-ақ жиын барысында халықтың күн көріс деңгейіне қарап баға саясатын тұрақтандыру керектігі ескертілді. МӘСЕЛЕН Шымкент және Түркістан филиалдарында 500000нан аса тұтынушыға қызмет көрсетіледі. Сондай-ақ 573 елдімекенге газ тартылған.
Айта кетейік, Нарықта газ бағасының өзгерістері туралы Қазақстан Республикасының энергетика министрлігінің бұйрығына сәйкес жыл сайын 1 шілдеде бекітіледі. Ал министрліктің мәліметіне сүйенсек табиғи газ бағасы 2027 жылға дейін барлығы теңеседі деп жоспарланған.
