Солтүстік Македонияда түнгі клуб ғимаратынан өрт шығып, 59 адам қаза тапты. Тағы 155 тұрғын жарақат алған. Бұл туралы Би-Би-Си агенттігі хабарлады. Оқиға ел астанасы Скопьеден 100 шақырым қашықта орналасқан Кочани шаһарында түнгі үштер шамасында болған.
Алдын ала мәліметке қарағанда іс-шараға 1500 адам қатысқан. Жергілікті танымал хип-хопер ADN-ның жеке концерті өтіп жатқан кезде қызыл жалын бұрқ ете қалған. Оттың лезде таралуына пиротехникалық құралдарды қолдану себеп болуы мүмкін. Оның ұшқыны сахнадан төбеге қарай ұшып, нысанның ішін жайпап өткен. Тергеу жүріп жатыр.
