2021 жылы қаңтардан бастап елімізде жалпыға бірдей декларация енгізілді. Бұл процесс кезең-кезеңімен жүзеге асады. Мемлекет азаматтардың әділетті түрде салық салуы мен жеке кірісін бақыламақ. Ондағы мақсат — жемқорлық пен көлеңкелі экономиканы азайту.
Естеріңізге салсақ декларациялаудың бірінші кезең — 2021 жылы «кіріс» декларациясын мемлекеттік қызметшілер және оларға теңестірілген адамдар, сондай-ақ олардың жұбайлары ұсынды. Олардың саны шамамен — 580 мың жеке тұлға болды. Екінші кезең — 2023 жылы мемлекеттік органдар мен квазимемлекеттік сектордың қызметкерлері, сондай-ақ олардың жұбайлары ұсынды. Олардың саны шамамен 2,1 млн адам. Үшінші кезең — 2024 жылдың қаңтарынан бастап декларацияны заңды тұлғалардың басшылары мен құрылтайшылары (қатысушылары), жеке кәсіпкерлер, сондай-ақ олардың жұбайлары (зайыбы) тапсырады: 3,9 млн адам. Ал, төртінші кезең — 2025 жылғы 1 қаңтардан бастап — азаматтардың қалған санаты (мысалы, жеке құрылымдардың қызметкерлері, зейнеткерлер, үй шаруасындағы адамдар, студенттер және басқалар) ұсынады.
Сондай ақ бүгінгі таңда азаматтардың 99 пайызға жуығы декларацияны электронды түрде тапсырған. Есепті «Салық төлеушінің кабинеті», «Электронды үкімет» веб-порталдары, e-salyqАzamat, Halyk, Банк Центркредит мобильді қосымшалары арқылы беруге болады. Сондай-ақ азаматтардың пошта арқылы декларацияны тапсыруға құқығы бар.
