АҚШ-та толассыз жауған жауыннан бірқатар аймақты су басу қаупі күшейді. Осыған байланысты Кентукки штатында төтенше жағдай жарияланды. Лорел округінде қазірдің өзінде жолдарды су шайып кеткен.
Сондай-ақ АҚШ-тың Теннеси, Батыс Вирджиния, Арканзас тұрғындарына жауыннан төнген қауіп жайлы хабарландырылды. Ұлттық метеорология қызметінің алдын ала болжамы бойынша жаңбырдың арты алапат тасқынға ұласуы мүмкін. Зерттеушілер бұл құбылысты Арктикадағы суық ауа райымен байланыстырады.
