Аргентина Дүниежүзілік денсаулық сақтау ұйымынан шығады. Бұл туралы Президент апаратының өкілі Мануэль Адорни мәлімдеді.
Оның айтуынша, Аргентина басшысы Хавьер Милейдің бұлай шешім қабылдауына Дональд Трамптың ұстанымы әсер еткен. Сондай-ақ халықаралық ұйымның COVID-19 пандемиясы кезінде өз міндетін тиісті атқармағанын алға тартады. Дүниежүзілік Денсаулық Сақтау Ұйымы 1946 жылы БҰҰ-ның жанынан құрылған халықаралық медициналық мекеме. Оның мақсат-міндеті жер бетіндегі әлем тұрғындарының денсаулығын жақсартуға қол жеткізу. Қазірде оған әлемнің 194 елі мүше. Еске сала кетейік, Дональд Трамп аталған ұйымнан шығу туралы жарлыққа 21 қаңтарда қол қойды.
