Валенсияда 25 мың адам наразылық шеруіне шығып, үкіметтің отставкаға кетуін талап етті. Аймақ басшысы Карлос Мазон мен оның үкіметі жүздеген адамның өмірін қиған су тасқынында дер кезінде әрекет жасамады деп айыпталды
Испанияның мыңдаған азаматы Валенсия көшелеріне шығып, аймақ басшысы Карлос Мазон мен оның үкіметінің отставкаға кетуін талап етті. Олар апатты су тасқыны кезінде әрекетті кешіктіргені және дер кезінде көмек көрсетпегені үшін айыпталып отыр. Бұл өткен жылдың қазан айынан бері Валенсияда өтіп жатқан төртінші манифестация. Оған 25 мыңға жуық адам жиналды. Карлос Мазон Испания жұртшылығының үлкен қысымына ұшырады. Оның басшылығы халықты табиғи апат туралы дер кезінде хабардар етпегені үшін сынға алынды.
