Бельгияда түрлі сала өкілі қатысқан жалпыұлттық ереуіл өтіп жатыр. Брюссель мен Валлонияда пойыз қатынасы, пошта байланысы және орта білім беру мекемелерінің жұмысы тоқтатылды. Ереуіл сондай-ақ әуе компаниялардың кестелеріне, коммуналдық қызметкерлерге және жергілікті түрмелерге әсер етті.
Брюссель көшелеріне 30 мыңнан астам демонстрант шықты. Шерудің бастапқы нүктесі Орталық теміржол вокзалы болды. Колоннаны Льеж, Брюссель қалалары мен Фландрияның бір бөлігінен келген 100-ге жуық өрт сөндіруші басқарды, одан кейін француз және нидерланд тілдерін білетін кәсіподақ өкілдері жүрді. Фламанд мұғалімдері шеруге қатысушылардың ең көп бөлігін құрады. Шараны ұйымдастырушылардың атап өтуінше, Бельгияның экономикасы, әсіресе оның өнеркәсібі сұраныстың төмендеуіне, жұмыс күші мен энергия құнының өсуіне және әкімшілік жүктемелерге байланысты қиын жағдайда қалып отыр.
