Түркістан облысында көлік инфрақұрылымын дамыту жұмыстары қарқынды. Облыс әкімі Нұралхан Көшеровтің төрағалығымен Түркістандағы халықаралық әуежайды дамыту мәселелері талқыланды. Өңір басшысы жауапы басқарма басшысы мен әуежай басшылығына жаңа рейтер ашу, әуежайдың әлеуетін көтеру жөнінде тапсырмалар берді.
Облыс әкімі Н.Көшеров жауапты сала мамандарына жұмысты ширатуды және жан-жақты зерттеу жасап тиімді әріптестік орнатуды талап етті.Түркістан облысының жолаушылар көлігі және автомобиль жолдары басқармасының басшысы Қуатжан Жұматаев авиация саласын дамыту жолдары мен өзекті мәселелері туралы ой қозғады. Бүгінде бірнеше әуе компаниясымен келіссөздер жүргізілуде. Ішкі және халықаралық рейстердің санын көбейту көзделіп отыр.
Айта кетейік, ішкі туризмді дамыту мақсатында Қостанай –Түркістан және Қарағанды – Түркістан бағыттары бойынша Түркістанға субсидияланатын әуе рейстері ашылады. QAZAQ AIR әуе компаниясы әуе сапарларының қолжетімділігін арттыру және ішкі туризмді дамыту мақсатында 4 қаңтардан бастап Қостанай – Түркістан бағыты бойынша рейсті іске қосты. 13 қаңтардан бастап Қарағанды – Түркістан бағыты бойынша да әуе рейсі ашылмақ. Сондай-ақ 13 қаңтардан бастап Астанадан Түркістанға әуе сапарларын бастау жоспарланған
