Конгода белгісіз инфекция тарап, 79 адам қайтыс болды. BBC таратқан ақпаратқа қарағанда вирус жұқтырғандардың қатары күн сайын артып барады. Қазір ауруханаларда 300-ден астам адам ем қабылдап жатыр.
Елдің Денсаулық сақтау министрлігі қайтыс болғандардың көбі 15 пен 18 жас аралығындағы балалар екенін хабарлады. Ауру белгілері: дене қызуының көтерілуі, бас ауруы, жөтел, тыныс алудың қиындауы. Ел билігі халықты денсаулыққа бей-жай қарамауға шақырды.
