Түркістан облысында әлеуметтік маңызы бар нысанның құрылысы аяқталып, ел игілігіне пайдалануға берілді.Облыс әкімі Дархан Сатыбалды Келес ауданы, Біртілек елді мекенінде «Абай» газ тарту станциясын іске қосу рәсіміне қатысып, тұрғындардың қуанышымен бөлісті.
Ауыл халқын қажетті инфрақұрылыммен қамту – басты міндеттің бірі. Бюджеттің мүмкінгінше ауылдарды газбен қамту үстінде.Облыс әкімінің айтуынша -екі жылда 90-нан астам елді мекен табиғи газға қосылуда. Түркістан облысында жылдар бойы тоқтап тұрған 40-тан астам газ нысандарының мәселесі шешіліп, «сақалды құрылыстар» ретке келтірілді. Бұл бағыттағы жұмыстарды тиісінше тоқтатпаймыз. Жергілікті тұрғындарды ауыл-аймақты таза ұстауға, елді мекенді абаттандыру жұмыстарына белсенді қатысуға шақырамын,- деді.
Келес ауданындағы қолданыстағы газ тарату станциясы 1976 жылы іске қосылған. Айта кетейік, облыс бойынша соңғы екі жылда 187 мың тұрғын яғни 90-нан астам елді мекен табиғи газға қосылды. Нәтижесінде, газбен қамтылған халықтың жалпы саны 1 млн 820 мыңға жетті.Газ жүйесіне қосылған ауыл тұрғындары облыс әкімдігіне өз алғыстарын білдірді.
