Шымкентте №6 Қалалық емханасында «Гендерлік зорлық-зомбылыққа қарсы 16 күн науқаны» атты конференция өтті.Жиынға Республикалық «Әділ билер» қоғамдық бірлестігінің төреағасы Нұржан Датқабекұлы және «Әділ аналар» бірлестігінің төреайымы Мауия Жәңебілқызы қатысты.
Акцияның басты мақсаты-қоғам назарын гендерлік зорлық-зомбылық мәселесіне аудару.Алдын алу жолдарын талқылау және халықтың құқықтық сауаттылығын арттыру.Зорлық-зомбылық құрбандарына көмек көрсете отырып бұл мәселенің түбегейлі шешімін табу болды.
Бұл науқан жыл сайын 25 қараша-халықаралық әйелдерге қатысты зорлық-зомбылықты жою күні мен10 желтоқсан -адам құқықтары күні аралығында өтеді.Сондай-ақ конференция да зорлық-зомбылықтың күш көрсету,психологиялық,экономикалық сынды бірнеше түрі айтылып,оны шешу жолдары талқыланды.
Қазақ халқы қыз баласына ерекше құрметпен қараған. Алайда соңғы кездері қоғамда зорлық-зомбылық көрген нәзік жандылар саны аз емес. Осындай шаралар арқылы зорлық-зомбылықтан жапа шеккендер өз мүмкіндіктері мен құқықтарын білетін болады.
