Түркістанда жыл сайын жаңа спорт нысандарының саны көбейіп келеді. Олардың құрылысы жіті қадағалауға алынған. Түркістан облысының әкімі Дархан Сатыбалды Бекзат Саттарханов атындағы спорт кешенінде болды. Облыс басшысы жүргізіліп жатқан жұмыстарды пысықтап, жауапты тұлғаларға кешеннің ішкі дизайны бойынша тапсырмалар жүктеді.
Спорт кешені 3 қабаттан тұрады. Заманауи үлгідегі ғимаратта спорт және жаттығу залдары, 8 киім ауыстыратын бөлме, жуынатын бөлмелер, асхана, медициналық көмек көрсету кабинеті бар.Жалпы заманауи спорт кешеніне Әбдісалан Нұрмаханов атындағы спорт мектебінің ұжымы орналасады. Кешенде спорттық іс-шаралар мен бокс, күрес, таэквондо және ойын спорт түрлерінен оқу-жаттығу жиындары өткізілетін болады.Бұл ғимараттың жұмыстарына «Строй Сервис–7» ЖШС мамандары жауапты. Сыйымдылығы 1000 адамнан тұратын спорт кешенінің алаңы – 1,8 гектар жерді құрайды.Түркістан облысының әкімі ДАРХАН САТЫБАЛДЫ — бой көтерген жаңа спорт нысаны жақын күндері ашылады-деді.
