Таразда «Оңтүстік» өңірлік қолбасшылығының әскери бөлімдерінің базасында Қазақстан Қарулы Күштерінің үздік сержанты атағына арналған XIV бүкіл армиялық конкурс өтті. Жарысқа Қазақстан армиясының 118 үздік сержанты қатысып,өзара бақ сынасты. Қатысушылар кәсіби дайындықтарын,физикалық шымырлығын және тактикалық шеберліктерін көрсетті.
Аталған жарысқа қатысушылар арасында Шымкент қаласының намысын қорғаған Әсілбек Өмірзақұлыда бар.Ол взвод сержанттары арасында үздік атанып,1-орынды иеленді.Сержант бұл жеңіске бір ай бойы қарқынды дайындықтың арқасында жеткенін атап өтті.Өзінің жоғары деңгейдегі даярлығын дәлелдеп, қарсыластарынан оқ бойы озық болған.Оның бұл жетістігі әскери саладағы үздік мамандарды даярлауға үлкен үлес қосқанын көрсетеді.
Байқау бірнеше кезеңдерден тұрды.Әуелі «Айбын» әскери-спорт кешеніне кіріп 100 метрге және 3 километрге жүгіру, белтемірге тартылу, қоян-қолтық ұрысы өтсе келесі «Қайсар» әскери-кәсіптік кешені Айша бибі полигонында өтті. Жарыс барысында сержанттар гранаталарды қашықтық және дәлдікке лақтыруды жүзеге асыра отырып, кросс бойынша ұзақ маршруттарды еңсерді.Сондай-ақ, сержанттар «Керуен» үлкен қашықтыққа жүгіру, «Сері» әдеби-көркемдік сайысына қатысты.Қазақстан Қарулы Күштерінің Бас сержанты жарыстарды өткізу үшін дайындалған базаны жоғары бағалады. Жарыс нәтижесінде жеңімпаздарды кубоктармен, грамоталармен және естелік сыйлықтармен мараптталды.
