Елімізде мемлекеттік қызмет істері агенттігімен ықпалдастырылған ақпараттық жүйесінде мемлекеттік қызметке іріктеудің жаңа алгоритмі іске қосылған. Осы ретте денсаулық сақтау органдары, оның ішінде Шымкент қаласының санитариялық-эпидемиологиялық бақылау департаменті ағымдағы жылдың шілде айынан бастап пилоттық режимде жаңа әдісті пайдаланып конкурстарды өткізуде. Бұл туралы департамент мамандары баспасөз жиынында мәлімдеді.
Іріктеудің және конкурс өткізудің жаңа рәсімі Агенттіктің ықпалдастырылған ақпараттық жүйесінің сыртқы интернет-порталында жүргізіледі. Жаңа рәсімде іріктеу және конкурсты өткізу процесі әңгімелесуге дейін электронды түрде жүргізіледі, ал әңгімелесу жүйеде онлайн түрде өткізіледі. Осыдан кейін міндетті түрде комиссияның үшінші тарап мүшесі қатысады, ол басқалармен тең дәрежеде сұрақтар қойып, өз бағасын береді.
Шымкент қаласының санитариялық-эпидемиологиялық бақылау департаменті және оның аудандық басқармаларымен төмендегі мемлекеттік қызметтер көрсетіледі. Мәселен эпидемиялық мәні жоғары объектінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытынды беру 13 жұмыс күн ішінде беріледі.
Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 жұмыс күні ішінде қаралады.
