Алаштың асыл тұлғаларымен қатар аталатын ұлдарының бірі – Жұмабек Ахметұлы Тәшенов. Қазақ тарихындағы шоқтығы биік мемлекет және қоғам қайраткері Жұмабек Ахметұлы Тәшеневты арнайы еске алу кеші өтті. Шара ұлт мақтанышының рухына тағзым етіп, оның өмір жолы мен халқына сіңірген еңбегін дәріптеуді көздеді.
Аталған шара Жұмабек Ахметұлы Тәшенев атындағы оқу ордасының қазақ тілі және әдебиет кафедрасының ұйымдастырумен өтті. Мінберден алғаш болып сөз алған университет ректоры Қанат Сейтжанұлы іс-шараны салтанатты түрде ашып берді. Ол өз сөзінде ұлы тұлғаның, ұлт үшін жасаған еңбегінің маңыздылығына тоқталып, қайраткердің мұрасын дәріптеу оқу орнының басты міндеттерінің бірі екенін атап өтті.
Кеш қонақтары қатарында Ж.Ахметұлының немере інісі Ұлықпан Бәшеневте бар. Ол қайраткердің шынайы бейнесі туралы ыстық естеліктермен бөлісіп, қарапайымдылығы мен ұлтжандылығын ерекше атап өтті. Сондай-ақ тұлғаның қайраткерлік қырына тоқталып, тың деректермен бөлісті.
Кеш барысында оқу орда студенттері қайраткердің болмысын ұлықтайтын әдеби-музыкалық композициялар ұсынып, шығармашылық қойылымдар көрсетті.Шарықтау шегі ретінде қойылған тарихи драмада Жұмабек Ахметұлының ұлт мүддесін қорғаудағы қайсарлығы, ел болашағы үшін жасаған батыл қадамдары көрініс тапты.Қойылымда басты рөлді сомдаған Ілияс Асқар қайраткердің болмысын ашып көрсету үлкен жауапкершілік пен еңбекті талап еткенін айтты.
Бұл жиын қазақ халқының тарихи тұлғаларының мұрасын дәріптеудің маңыздылығын тағы бір көрсетті. Кеш соңында ұйымдастырушылар бұл қойылымдарды жыл сайынғы дәстүрлі іс-шараға айналдыруды жоспарлап отырғандарын айтты.
