Шымкент қаласының ішкі саясат және жастар істері жөніндегі басқармасының тапсырысмен сондай-ақ Қазақстан Республикасының Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің қолдауымен қала тұрғындары арасында сыбайлас жемқорлыққа қарсы мәдениет қалыптастыру жобасының аясында Адалдық-адамдық белгісі атты қалалық ән және мәнерлеп оқу байқауы өтті.
Адалдық-адамдық белгісі деген атаумен ұйымдастырылған байқауға жоғарғы оқу орындары мен колледж студенттері қатысты. Байқаудың негізгі мақсаты жастар арасындағы сыбайлас жемқорлыққа қарсы іс-қимылды нығайту сондай-ақ мәдениетті қалыптастыру. Жарысқа 63 өтінім келіп түссе оның 38 қатысушысы іріктеліп, бақ сынасуда.
Байқауға қатысушылар арасында Шымкент Саз колледжінің 1 курс студенті Асқар Бекзат бар. Сайыста Қасым Аманжоловтың шығармашылығынан өлең оқыды. Айтуынша бұл өнермен айналысып жүргеніне бірнеше жылға жуық уақыт болған. Мақсат қатарластарының арасында патриоттық сезімін оятып, сыбайлас жемқорлыққа қарсы іс-қимылды насихаттау.
Жарысқа қатысушылар 14-21 жас аралығындағы азаматтар. Сондай-ақ шара қорытындысына сәйкес жүлдегерлер қаржылай сыйақымен және қала әкімінің арнайы мақтау қағаздарымен марапатталды.
