16.3 C
Shymkent
5 апреля, 2025
aspan

«БІРТҰТАС ТӘРБИЕ»  ҰРПАҚТЫ БИІК МҰРАТҚА ЖЕТЕЛЕЙДІ   

Шымкентте Білім басқармасына қарасты  «Астана» жалпы орта мектеп базасында пән мұғалімдеріне арналған «Сабақта құндылықтарға негізделген тәсілдерді кіріктіру ерекшеліктері» тақырыбында оқыту семинары өтті. Шараға Қаратау және Еңбекші ауданына қарасты оқу ордаларының пән мұғалімдері қатысты.

Мектеп директоры ЗУЛФИРА ХАДИМЕТҚЫЗЫНЫҢ айтуынша: жаңадан бой көтерген бұл мектепте  1300 бала білім алып,135 қызметкер жұмыс жасайды.Оның ішінде 104-і педагог мамандары.Балалардың бос уақытын тиімді өткізу мақсатында мектеп ішінде 58 үйірме жұмыс жасап тұр.

Әуелі аталған жиында  тәжірибелі педагогтердің  сабақта құндылықтарға негізделген тәсілдерді қолданудың маңызы мен артықшылықтары жан-жақты түсіндірілді. Семинар барысында мұғалімдерге оқыту үдерісінде құндылықтарды тиімді енгізу жолдары ұсынылып, нақты мысалдар келтірілді. Оқыту семинардың мақсаты — білім беру үдерісінде құндылықтарға негізделген тәсілдерді тиімді енгізу жолдарын қарастыру.Құндылықтар негізінде тәрбие жұмысын ұйымдастыру ерекшеліктерін, білім алушылардың, әдіс-тәсілдерін меңгеру болды.

Жалпы бүгінгі семинарда 5-11 сыныптар арасында 15 ашық сабақ өтілді. Іс-шара барысында ҚР Оқу-ағарту министрлігінің Ы.Алтынсарин атындағы ҰБА ұйымдастыруымен жүргізілген «Біртұтас тәрбие» бағдарламасы аясында республикалық семинарға қатысып, сертификатталған педагогтер болды. Бұл мұғалімдер   «Астана» жалпы орта мектептің пән мұғалімдерімен бірге құндылықтарды сабақтың өн бойына кіріктіріп жүргізудің тиімді тәсілдерін ұсынды.Тақырыпқа сүйене отырып, бірге ашық сабақ өтті. Сонымен қатар, қатысушылар тәжірибелік тапсырмаларды орындады.Бұл кезеңде педагогтар өзара пікір алмасып, жаңа тәсілдерді қолдану бойынша практикалық дағдыларын шыңдады.

Мұғалімдер семинардан алған тәжірибелерін болашақ сабақтарында қолдануға дайын екенін атап өтті. Тәжірибелі педагогтер оқу барысындағы өз әдіс-тәсілдерімен бөлісті. Шара соңы концерттік бағдарламаға ұласты.

Related posts

МЕТАПНЕВМОВИРУС- ТЫНЫС АЛУ ЖҮЙЕСІНЕ ҚАУІПТІ

Телеарна ХанТВ

ШЫМКЕНТ: ӨҢІРЛІК ЖАСТАР КАДРЛЫҚ РЕЗЕРВІНЕ ТІРКЕУ БАСТАЛДЫ

admin

БЫЛЫҚҚА БАТҚАН БІЛІМ БӨЛІМІ

Телеарна ХанТВ