«Таза Қазақстан» экологиялық акциясы аясында Қаратау ауданы аумағында да тазалық іс-шаралары өтуде. Бүгін Тұран-2 шағынауданының Омбы және №7 көше бойында тазалық жұмыстары атқарылды.
Тұран-2 шағынауданының жаңақұрылыс аумағында көпқабатты үйлер, жеке үйлер көптеп салынып жатыр. Сол себептен жолдың бойында құрылыс және тұрмыстық қатты қалдықтар бар. Бүгінгі акция барысында көше бойы осы қалдықтардан тазарып, жалпы 100-ден астам жұмысшы және қосымша 9 техника тартылды
«Жасыл жер» мекемесінің қызметкерлері ирригациялық арықтарды, аяқжолдарды ретке келтірді. Сондай-ақ, аудан аумағында бүгін Шаяхметов, Назарбеков көшесінде де санитарлық тазалық жұмыстары жүргізілді.
Айта кетейік, «Таза Қазақстан» бағдарламасы аясындағы тазалық іс-шаралары бір күнмен шектелмей, бүкіл қаламыз бойынша тұрақты түрде жалғасып келеді.
