Шымкент қаласы цифрландыру басқармасының ұйымдастыруымен «Shymkent Hub» орталығында цифрлық технологиялар саласында тәжірибе және идеялармен алмасу алаңын қалыптастыру үшін «Цифрлық драйвер» атты форум өтті.
Шараның мақсаты Шымкентте жаңа технологиялық жобалардың дамуын ынталандыру сандық шешімдердің сәтті мысалдарын көрсете отырып,қала тұрғындарының цифрлық сауаттылығын арттыру.Сандық трансформация бойынша сарапшылар мен энтузиастар қауымдастығын құру болып табылады.
Форумға Шымкент қаласының Назарбаев зияткерлік мектебінің жаратылыстану бағытында білім алып жатқан оқушылары қатысты.Өз тәжірибелерімен бөлісу мақсатында осы салада жетістікке жеткен «Huawei technologies» «Dahua technology» «АзияШымСервис»компанияларының басшылары және робототехника жаттықтырушысы Олжас Куракбай жұмыстарымен таныстырды.
Форум соңында Hub IT технологиялар паркінің менеджері Тимур Қозыкеев компаниялар берген сыйлықтарды мамандыққа қатысты түрлі сұрақтар қою арқылы таратты.Айта кетейік «Huawei technologies» компания жұмысқа қабылдануы ақылы түрде екенін мәлімдеді. Нарықтағы компаниялар бос жұмыс орындарының барын айтып,болашақ жас мамандарды іс-тәжірибеден өтуге шақырды.
