Қазақстанның энергетикалық секторы алдында тұрған басты мәселелердің бірі – электр энергиясын тиімді әрі экологиялық таза жолмен өндіру. Осы тұрғыда атом электр станциясын салу келешегі кемел шешімдердің бірі болып табылады. Бүгін қоғамдық штаб өкілдері спорт мектебінің ұжымымен кездесіп, атом электр станциясының мүмкіндіктерін талқылады.
Қазіргі уақытта Қазақстан электр энергиясының тапшылығын сезінуде және оны көрші елдерден импорттауға мәжбүр. АЭС құрылысы – бұл алдағы ұзақ жылдарда елдің табысты дамуының кепілі болатын серпінді жоба болмақ.
Атом энергиясы тұрақты әрі үздіксіз жұмыс істейді. Бұл электр энергиясын өндіруде тәуелділікті азайтады және тұрақты электрмен қамтуға мүмкіндік береді. Күн мен жел секілді жаңартылатын энергия көздері ауа райына байланысты өзгеріп тұрады, ал АЭС тәуліктің кез келген уақытында жұмыс істей алады.
Қазақстан – әлемдегі уран өндіретін ірі мемлекеттердің бірі, сондықтан елімізде атом электр станциясын салу экономикалық және стратегиялық тұрғыдан тиімді шешім болмақ.
