Елде энергия көзін алудың бірқатар тетігі дамыған. Алайда, күн мен желден, болмаса судан алынатын электр энергиясы келешекте Қазақстанда жеткіліксіз болуы ықтимал. Сондықтан бұл мәселеден шығатын тағы бір жолы бар. Ол — атом электр станциясын салу. Бүгін қоғамдық штаб өкілдері Мұхтар Әуезов атындағы Оңтүстік Қазақстан университеті колледжінің студенттерімен кездесіп, АЭС тің артықшылықтарын талқылады.
Электр энергиясын тұтынушылар саны жыл сайын 3 процентке артуда. Осылай жалғаса берсе, алдағы 10 жылда халық жарықсыз қалуы әбден мүмкін. Елімізде 200-ден астам электр энергиясын тарататын станция бар. Оның басым бөлігі ескірген. Электр тапшылығы әсіресе оңтүстік өңірде байқалуда. Салдарынан, энергия көзін көрші Ресей мемлекетінен алуға мәжбүр болып отырмыз. Сондықтан АЭС салу мүмкіндігі мол жалғыз шешім.
Қазақстанда АЭС салу туралы шешім экономикалық, экологиялық, әлеуметтік факторларды ескере, мамандардың сараланған сарапына өтуі тиіс. Соңғы уақытта елімізде қуат көзіне деген сұраныстың артуы, экономика, экологиялық тұрғысынан ел дамуына әсер етіп отыр. Демек, атом станциясы елдің энергетика қауіпсіздігінің негізгі шешімдерінің бірі болмақ.
