Түркістан облысы Келес ауданы Амангелді ауылында жантүршігерлік қылмыс орын алды. Әлеуметтік желіде осы оқиға туралы ақпарат тарады. Хат иесінің айтуынша, бұрынғы мұғалім 16 жастағы оқушы қызды зорлап, оны анасымен бірге өлтіріп кеткен.
Желідегі хат авторының айтуына қарағанда, 30 жастағы күдікті мектепте мұғалім болып жұмыс істеген. Сол кезде 16 жастағы оқушы қызға көз салып, қырындап жүрген көрінеді. Оқушы қыз мектеп директорына кіріп, бар шындықты айтып берген. Басшы орынсыз іс әрекеті үшін мұғалімді жұмыстан шығарып жіберіпті. Өшін алу мақсатында күдікті түн жамылып оқушы қыздың үйіне келіп, анасы екеуін өлтіріп кеткен. Марқұмның анасын кірпішпен ұрып, талдырған. Ал қызды бөлмеге апарып, денесіне аяусыздан жарақат салған.
Қазір оқиғаға байланысты қылмыстық іс қозғалды. Күдікті ізін суытпай ұсталып, уақытша ұстау изоляторына қамалды. Қазіргі уақытта болған оқиғаның барлық мән-жайларын анықтау мақсатында қажетті жедел-тергеу іс-шаралары жүргізілуде, — деді облыстық полиция басқармасы.
