Бүгін «AMANAT» партиясы Шымкент қалалық филиалы жанындағы Отбасы және халықты әлеуметтік қорғау мәселелері жөніндегі аймақтық кеңес отырысы өтті. Жиынға қатысушылар Мемлекет басшысы Қасым Жомарт Тоқаевтың жолдауы жан жақты талқыланып, атом электр станциясын салу бойынша ойын ортаға салды.
2035 жылға қарай елімізде электр энергиясын пайдалану сағатына 160 млрд. гвт болады деген болжам бар. Бүгінде электр энергиясының басым бөлігін көмір станциялары беріп отыр. Қазірдің өзінде электр энергиясы бойынша тапшылық бар. Осы ретте, 2-ші қыркүйекте Президент Қасым-Жомарт Тоқаев Қазақстан халқына арнаған Жолдауында атом электр станциясын салуға қатысты қазанның 6-сында референдум өтетінін жариялады. Мемлекет басшысы оның салыну салынбауына қатысты соңғы шешімді халық қабылдайтынын атап өтті.
Электр энергиясын тұтынушылар саны жыл сайын 3 процентке артуда. Осылай жалғаса берсе, алдағы 10 жылда халық жарықсыз қалуы әбден мүмкін. Елімізде 200-ден астам электр энергиясын тарататын станция бар. Оның басым бөлігі ескірген. Электр тапшылығы әсіресе оңтүстік өңірде байқалуда. Салдарынан, энергия көзін көрші Ресей мемлекетінен алуға мәжбүрміз.
Сондай ақ аймақтық кеңесте отбасы мәселелері мен халықты жұмыспен қамту жайы да сөз болды. Қатысушылар жиында көтерілген тақырыптар бойынша ойын ортаға салды.
