Бүгін еліміздегі барлық білім ордасы оқушылар мен студенттерге есігін айқара ашты. Сондай еңселі білім ордаларының бірі Академик Ә.Қуатбеков атындағы Халықтар достығы университеті. Жаңа оқу жылының құрметіне оқу ордада салтанатты жиын өтті. Атаулы жиынға университеттің профессорлық құрамы және ұстаздар қауымы сонымен қатар бірінші курс студенттері жиналды.
Мерекелік шара жылдағыдан ерекше өтті. Себебі, жоо 15,50,100 пайыз жеңілдікпен оқуға түскен үздік аттаестат, алтын белгі иегерлері қр спорт шеберлігіне кандидат, ұбтдан 100 балдан жоғары жинаған талапкерлер пен әлеуметтік жағдайы төмен отбасыдан шыққан студенттерге ректор гранты табыс етілді. Аталмыш шарада алғаш болып құттықтау сөз алған университет ректоры Рабиға Әбдімұсақызы жастардың болашаққа қаққан қанаттары талмай, еңсесі биік еліміздің өрісі биік азаматтары болуларына шын жүректен тілектес екендігін білдіріп оқу орданың ерекшеліктері білім беру жүйелеріне тоқталды.
Мардан Қанатұлы 100 пайыз жеңілдік иегері. Талапкер алдағы уақытта 4 жыл бойы тегін білім алады.Сондай-ақ іріктеу барасында Мардан республика бойынша 100 үздік оқырман қатарында болған. Ол бұндай жеңілдікке ие боларымды білмедім дейді. Алайда, оқуға түсер алдында университет жайлы көп іздендім, жастарға барлық мүмкіндік жасалған. Алдағы уақытта оқу ордада белсенді студенттердің қатарында болып, өз мамандығымының нағыз иесі болғым келеді дейді,-ол.
Айта кетейік,оқу орданың іргесі 1999 жылы қаланған.Аккредиттелген білім ордасы биыл 25 жылдық мерейтойын атап өтеді.Университетте бас аяғы 50 блім беру бағдарламасы,магистратура бойынша 13, ал докторантура бойынша 3 білім беру бағдарламалары бар. Аталған оқу ордасына талапкер- емтихансыз оқу түсе алады.Бұдан бөлек жоо-ны 50-ге жуық шетелдік әріптестермен етене байланыста.Сондай-ақ 7 оқу ғимараты,986 ш.м құрайтын заманауи ғылыми зерттеу лабораториясы корпусы,502 орындық 3 студенттік жатахана және 3 спорт зал бар.
