Әл-Фараби атындағы қалалық ғылыми-әмбебап кітапханасында екі бірдей су жаңа кітаптың тұсаукесері өтті. Жаңа туындының бірін Қр еңбек сіңірген қайраткері,ақын,жазушы Әкім ысқақ жазса енді бірін заңгер,ғалым Ғалымжан Битұрсын жазған. Тарихтан сыр шертетін туындының таныстырылымына жиналған қонақтар, кітаптың мазмұны мен көркемдік деңгейінің жоғары екеніне баға беріп, өз лебіздерін білдірді.
«Темір генерал» және «Өмірді сүй.Адамды құрметте.Өзіңе сен» деп аталатын екі бірдей кітаптың тұсаукесеріне жиналған көрерменнің қарасы қалың болды. Қос туынды жастар үшін рухани азық болары анық. Себебі, кітап ішінде Кеңес Одағының Батыры Сабыр Рахимовтың атымен аталатын оқу ордадан 7 бірдей генерал шыққаны жайы кеңінен жазылған. Сондай-ақ С.Рахимовтың қазығұртқа барудағы арманы және ұлы отан соғысында үлкен ерлік жасаған батырларымыздың мінез болмысы ұрпақ жадында мәңгі сақталатыны айтылған.
Рухани шарада жазушының түрлі туындыларынан кітап көрмесі жасақталған. Келген оқырман танысып,ерекше әсерге бөленуде.Аталған қос туынды бүгінде сатылымға шыққан. Айта кету керек «Өмірді сүй.Адамды құрметте.Өзіңе сен»кітабы негізінен отанға деген құрметі ерекше,еліне адал қызмет жасап жүрген жазушы Әкім Ысқаққа араналады дейді,-автор.
Аталған шараға зиялы қауым өкілдері, кітапхана қызметкерлері және белсенді жастар қатысты.Жиналған қауым қаламгерлерді жаңа кітаптың жарыққа шығуымен құттықтап,жылы лебіздерін білдірді. Шара аясында жанды дауыста әндер орындалып, түрлі өлеңдер жатқа оқылды.
