РЕАБИЛИТАЦИЯЛЫҚ ОРТАЛЫҚ АШЫЛДЫ
Шымкентте «Business Kids» Халықаралық балалар академиясы өз алаңында ерекше білім беру қажеттіліктері бар балаларға арналған оңалту және түзету орталығын іске қосты. Мекеме кардиологиялық және неврологиялық ауруы бар науқастарға қызмет көрсетеді. Онда емнің 20-ға жуық түрі ұсынылған. Ең бастысы — орталық науқастарға сапалы көмекті тегін көрсетеді.
«Business Kids» Халықаралық балалар академиясы-зияткерлік және әлеуметтік дағдыларды дамытуға, болашақ сын-тегеуріндерге дайындалуға және табысты әлеуметтенуге бағытталған инновациялық бағдарламалар мен курстарды ұсынатын 5 жастан 16 жасқа дейінгі балаларға арналған жетекші қосымша білім беру орталығы. 2024 жылдың басынан бастап ақпан айында академия ерекше білім беру қажеттіліктері бар балаларға көмек көрсететін «Асыл Бала» түзету орталығын іске қосты. Бұл орталықта тіркелген дефектологтар, логопедтер, психологтар, және музыкалық терапия бойынша педагогтар жұмыс істейді, бұл балаларды оқыту мен дамытуға біртұтас көзқарасты қамтамасыз етуге мүмкіндік береді.
Оңалту орталығы жаңа технологиялармен жабдықталған. Науқастың денсаулығы, физикалық әлеуеті үшін қажетті барлық жағдай жасалған дейді дәрігерлер. Оңалту қызметінен бөлек келушілерді дәрігерлер де қабылдайды. Жаңа орталық физикалық, психологиялық, әлеуметтік және моральдық-рухани қалпына келтіруді қамтамасыз ете отырып, ерекше білім беру қажеттіліктері бар балаларға мамандандырылған көмек көрсетеді. Мамандар балаларды емдеу мен қолдаудың кешенді тәсілін қамтамасыз етеді, олардың табысты оңалтуына және қоғамға кірігуіне жағдай жасайды, ерекше білім беру қажеттіліктері бар балаларды түзету және бір уақытта оңалту үшін жағдай жасайды.
Орталықта арнайы мамандар және бірнеше дәрігер жұмыс істейді. Мұнда емдік дене-шынықтыру, физиотерапия секілді 20-ға жуық ем түрін ұсынады. Бүгінгі таңда «Business Kids» академиясы ақылы және тегін білім беру қызметтерін ұсына отырып, 300-ден астам балаға қызмет көрсетеді
