16.3 C
Shymkent
5 апреля, 2025
aspan

ҚАЗАҚ ВАЛЬСІНІҢ КОРОЛІ, КОМПОЗИТОР ШӘМШІ ҚАЛДАЯҚОВТЫҢ ТУҒАНЫНА 94 ЖЫЛ

Қазақ вальсінің королі, композитор Шәмші Қалдаяқовтың туғанына 94 жыл толды. Айтулы мерекені Шымкенттік тұрғындар ерекше сән-салтанатпен атап өтті.  Қалалық Шәмші әлемі гүлзарында Әнім сен едің атты ашық-аспан астындағы гала концерті ұйымдастырылды. Мерекелік кеште композитордың бірқатар туындылары орындалып, шығармашылығы дәріптелді.

Қазақ вальсінің королі Шәмші Қалдаяқовтың аңызға айналған ескірмейтін есті әндерін халықтық сипатта насихаттау мен қайта жаңғырту мен сазгердің  мәңгілік мұрасын жаңғыртып, ұлт өнеріне қосқан үлесін дәріптеуді мақсат еткен ұйымдастырушылар, композитордың шығармашылығы ұмытылмауы керектігін тілге тиек етті. Бүкіл ғұмырын ән әлеміне арнаған аса дарынды сазгер бойындағы тума талантының арқасында қазақ эстрадасының негізін қалаушылардың бірі атанды. Өміршең Шәмші әндері тәуелсіз қазақ аспанында әлі де қалықтап жүр. Еліміздің қазіргі әнұранының сазын жазған авторды күллі қазақ жұртшылығы ерекше құрмет тұтады.

Гала-концерт Шәмші Қалдаяқовтың өмірі мен шығармашылығы туралы бейнероликтен басталды. Мерекелік іс-шараға қаламызға танымал жұлдыздар мен жергілікті өнерпаздар қатысты.  Концерттік бағдарламада қазақ вальсі королінің халыққа кеңінен танылған «Ана туралы жыр», «Ақ маңдайлым», «Теріскей», «Бақыт құшағында», «Өмір-өзен», «Сыған серенадасы», «Кешікпей келем деп ең», «Қайықта», «Дүнген қыз», «Құшақ жайған қандай адам», «Отырардағы той» сынды шығармалары орындалды.

Гала-концерке  қалалық опера және балет театрының солистері, «Шымкент концерт» концерттік ұйымының өнерпаздары, «Қазына» және «Яссы» би ансамбльдерімен қатар «Shamshi» әншілер байқауының жеңімпазы өнер көрсетті. Ашық-аспан астында ұйымдастырылған кешке қала тұрғындары да келіп, ризашылықтарын білдірді.

Related posts

КЕЛЕС АУДАНЫ: ЖЫРЫ БІТПЕГЕН КӨШЕ

admin

600 ОРЫНДЫҚ ЖАҢА МЕКТЕП ПАЙДАЛАНУҒА БЕРІЛДІ

Телеарна ХанТВ

«КҮМІС КӨМЕЙ» РЕСПУБЛИКАЛЫҚ ДӘСТҮРЛІ ӘНШІЛЕР БАЙҚАУЫНЫҢ ЖЕҢІМПАЗДАРЫ АНЫҚТАЛДЫ

Телеарна ХанТВ