Кітап қоры тағыда бір тарихи кітаппен толықты. Әл-Фараби атындағы қалалық ғылыми-әмбебап кітапханасында Жалындай жарқылдаған Ер-Жолан атты кітаптың тұсаукесері өтті. Автор бұл туынды жастарға рухани азық болатынына сенімді.Себебі, кітап ішінде батырдың ел тағдырындағы тарихи орны мен олар жасаған ерлік жорықтарының мәні мен маңызы ерекше айтылған.
Ел тағдырын бәрінен биік қойып, ұлттың тұтастығын, жерінің бүтіндігін мұрат еткен қазақ батырлары қазақ тарихының әр белесінде тұлғалық деңгейге көтеріліп келеді.Осы ұлттық тұлға тұғырына көтеріліп, аты аңызға айналған, тарихта есімдері қалған сан мыңдаған батырлар бар. Осы орайда Төлебиұлы Жолан батырдың ерліктері мен талай жаугершілікті бастан кешіріп, ол шеті мен бұл шетіне құс қанаты талатын казіргі кең байтақ өлкемізді аманат етіп қалдырғаны жайлы жазылған кітаптың тұсауы кесіліп, оқырманға жол тартты. Онда Жолан батырға арналған өлең жырлар,елдің өсіп өркендеуіне қосқан ерлігі сондай-ақ ұлы отан соғысында қайтыс болып, елге оралмаған жолан ұрпақтары жайлы жазылған.
Атаулы жиынға зиялы қауім өкілдері, кітапхана қызметкерлері сондай-ақ белсенді жастар қатысты. Жас ұрпақты рухани тәрбие мен қайсарлыққа баулуда батыр бабаларымыздың ерлігі мен өмірін үлгі етуден асқан құрал жоқ.Жолан батыр қазақ жерлерін жоңғарлардан азат ету кезіндегі бірқатар шайқастарға қатысқан. Екі рет Жоңғар қонтайшыларының қолында аманатта болып, ғұмырының 14 жылын сонда өткізген.Зиялы өкілдері батырлардың елін қорғаудағы ерліктерін сөз етіп мақтаныпта мақтапта айтып отырды.
Батырдың ұрпақтары бабасын ұлықтауды естен шығармады. ШаҺардағы Жолан батыр көшесінің бойындағы Жолан батыр ескерткішінің басында ұрпақтарының қатысуымен құран бағышталды. Салт атты мүсіні жерлестерімізге патриоттық рух беріп тұрады. Қолына найза алып, жауға қарсы атой салған Жанқожа батырдың ерлігі мен өр рухы жайында естеліктер айтылды.
