Қала күні мерекесі қарсаңында Шымкент қалалық жасөспірімдер кітапханасы «әдеби автобус» іс-шарасын ұйымдастырды. Дәйекті сөздермен, шарлармен, арнайы эмблемемен безендірілген №27 қоғамдық көлігіндегі жолаушылар ақын жазушылардың парасатты ойларымен, жалынды жырларымен сусындап қана қоймай қосыла жырлады. Қоғамдық көлікте түрлі кітаптардан үзінді оқыған кітапхана қызметкерлері жолаушыларға ерекше көңіл-күй сыйлады.