20.3 C
Shymkent
5 апреля, 2025
Қоғам

«ТӨРЛЕТ,НАУРЫЗ,ТӨРІМЕ» РЕСПУБЛИКАЛЫҚ КОМАНДАЛЫҚ АЙТЫС ӨТТІ

Түркістанда  Ұлыстың ұлы күні –әз Наурыз мерекесі қарсаңында  «Төрлет, наурыз, төріме» атты командалық  айтыс өтті. Атаулы шараға облысының әкімі Дархан сатыбалды арнайы қатысып, көрермен қауымды мерекемен құттықтады.

Қазақтың айтыс өнері – ғасырлармен қанаттасып, дәуірлермен үндесіп, заманамен тілдесіп келе жатқан кемел дүние. Осы орайда мереке аясында өткен байқауға Түркістан облысы мен Жамбыл облысынан төрт айтыс ақыны, термеші, жыршы, дәстүрлі әнші және күйші қатысты. Ақындар айтыстың түре, сүре, қайым, қыз бен жігіт айтысы түрлерінен сынға түсті.

Аламан бәйгені Қазақстанның еңбек сіңірген қайраткері, Мәжіліс депутаты Аманжол Әлтаев жүргізді. Сондай-ақ жиында сөз алған Жамбыл облыстық мәдениет, архивтер және құжаттама басқармасының басшысы Ерлан Жүнісбай облыс әкімінің құттықтау сәлемін жеткізді.

Айтыс қорытындысымен республикалық командалық айтыстың екінші кезеңіне Түркістан облысының командасы жолдама алып, жеңімпаз атанды. Қос командаға бірдей құрмет көрсетіліп, әрбір ақынға 500 мың теңгеден сыйақы берілді. Ал жыршы, термеші, дәстүрлі әнші, күйшілерге 250 мың теңгеден табысталды. Сондай-ақ «AMANAT» партиясының арнайы сыйлығы берілді. Айта кетейік, «Төрлет, наурыз, төріме» атты аламанды «AMANAT» партиясының және Түркістан облысы әкімдігінің қолдауымен, Түркістан облысы мәдениет және туризм басқармасы, Айтыс ақындары мен жыршы-термешілердің Халықаралық одағы ұйымдастырған. Атаулы шара  қос облыстағы айтыскер ақындар мен дәстүрлі өнерпаздардың шығармашылық дамуына жағдай жасауға, өңірлер арасында шығармашылық байланысты арттыруға, халықтың азаматтық ұстанымын, әлеуметтік жауапкершілігін, отансүйгіштік сезімін, адамгершілік қасиеттерін, ұлттық санасын қалыптастыруға және ұлттық өнер өкілдерінің рухани-мәдени әлеуетін дамытуға бағытталған.

Related posts

Синоптиктер Астана мен тағы 2 қала тұрғындарын ескертті

admin

ТҮРКІСТАН: МАРОККО ШЕГІРТКЕСІНІҢ ТАРАЛУЫНЫҢ АЛДЫН АЛУ ШАРАЛАРЫ ТАЛҚЫЛАНДЫ

admin

Қыстан кейін сапасыз жөнделген жолдар «қалқып шығады» — Астана әкімі

admin