Қасым-Жомарт Тоқаев Түркістан облысының әкімі Нұралхан Көшеровті қабылдады. Кездесу барысында Мемлекет басшысына Түркістан облысының әлеуметтік-экономикалық дамуы және алдағы кезеңге арналған жоспарлары баяндалды. Нұралхан Көшеровтің айтуынша, өңірдің экономикалық өсімі 113,9 пайызды құраған. Мемлекеттік бюджетке түсетін салық түсімдері 1 триллион теңгеге артқан. Ал 2025 жылы аймаққа 1,7 триллион теңге инвестиция тартылды. Оның 1,4 триллион теңгесі – жеке инвестициялар. Сондай-ақ, тікелей шетелдік инвестиция көлемі 1,4 миллиард долларға жеткен. Бұдан бөлек, өткен жылы жалпы құны 340 миллиард теңгені құрайтын 58 инвестициялық жоба іске қосылып, 8 мыңнан астам жаңа жұмыс орны ашылды.
