ШЫМКЕНТ ҚАЛАСЫНДА ОНДАҒАН ҚОҒАМДЫҚ ҰЙЫМДАР БОЛСА, СОЛ ҮКІМЕТТІК ЕМЕС ҰЙЫМДАРДЫҢ АРАСЫНДА АНА, ОТБАСЫ, БАЛАЛАР МӘСЕЛЕСІН КӨТЕРІП, ТҮРЛІ ШАРАЛАРҒА ҰЙТҚЫ БОЛЫП ЖҮРГЕН ОН ШАҚТЫ БЕЛСЕНДІ ҰЙЫМ БАР. СОЛАРДЫҢ БІРІ – ҚАЛАЛЫҚ «АРУЛАР» КЛУБЫ.
АЛДАҒЫ МЕРЕКЕ ҚАРСАҢЫНДА ҰЙЫМДАСТЫРЫЛҒАН ІС-ШАРАДА ЕРЛЕРМЕН ҚАТАР ЕЛІМІЗДІҢ ӨРКЕНДЕУІНЕ ҮЛЕС ҚОСЫП ЖҮРГЕН ӘЙЕЛДЕРДІ ЕСКЕ АЛУ ІС-ШАРАСЫ ӨТТІ. 8 НАУРЫЗ – КӨКТЕМ МЕРЕКЕСІ ҚАРСАҢЫНДА КЛУБ МҮШЕЛЕРІ ӨҢІРДІҢ ТҮРЛІ САЛАЛАРЫНДА ЕҢБЕК ЕТКЕН, МЕГАПОЛИСТІҢ ӨСІП-ӨРКЕНДЕУІНЕ, ДАМУЫНА АТСАЛЫСҚАН, МЕМЛЕКЕТТІК ҚЫЗМЕТШІ, ДӘРІГЕР, ҰСТАЗ, ӨНДІРІС, ЖЕҢІЛ ӨНЕРКӘСІП, ӘЛЕУМЕТТІК ҚОРҒАУ САЛАЛАРЫНДА ӨЗІНДІК ІЗ ҚАЛДЫРҒАН – «ШЫМКЕНТ ҚАЛАСЫНЫҢ ҚҰРМЕТТІ АЗАМАТЫ» АТАНҒАН ӘЙЕЛ-АНАЛАРДЫ ЕСКЕ АЛУ ШАРАСЫ ҰЙЫМДАСТЫРЫЛДЫ. ОЛАР ЖҮРІП ӨТКЕН ЖОЛ, ЕТКЕН ЕҢБЕГІ ТУРАЛЫ КЕЙІНГІ ҰРПАҚ САНАСЫНА СІҢІРУДІ МАҚСАТ ТҰТТЫ. КЕЗДЕСУГЕ ОЛ КІСІЛЕРДІҢ ҰРПАҚТАРЫ, ТУЫСТАРЫ ШАҚЫРЫЛДЫ. «БҰЛ ЖЕРДЕ 140-ТАЙ ТАҚТА ОРНАЛАСҚАН. ӨҢІРДІҢ ТҮРЛІ САЛАЛАРЫНЫҢ ДАМУЫНА АТСАЛЫСҚАН КІСІЛЕРГЕ КӨМЕК КӨРСЕТІП ЖАТҚАН ЖАЙЫМЫЗ БАР. ТАҚТАҒА ЖАЗЫЛҒАН БҰЛ КІСІЛЕРДІҢ АТЫ-ЖӨНІ БІЗДІҢ КЕЛЕШЕК ҰРПАҒЫМЫЗҒА ҮЛКЕН ӨСИЕТ» ДЕП ПІКІРІН БІЛДІРДІ ҚР ПРЕЗИДЕНТІНІҢ ЖАНЫНДАҒЫ «РЕСПУБЛИКАЛЫҚ ӘЙЕЛДЕР КЕҢЕСІ» ҚОҒАМДЫҚ БІРЛЕСТІГІНІҢ ШЫМКЕНТ ЖӘНЕ ТҮРКІСТАН ОБЛЫСЫ ФИЛИАЛДАРЫНЫҢ ТӨРАЙЫМЫ БАЯН ЖАНДОСОВА. МЕРЕКЕЛІК ШАРА «ШЫМКЕНТ ҚАЛАСЫНЫҢ ҚҰРМЕТТІ АЗАМАТТАРЫ» АЛЛЕЯСЫНДА ӨТТІ. ЖИЫНҒА ҚАТЫСУШЫЛАР ДА, МҰНДАЙ ІС-ШАРАЛАР ЖИІ ҰЙЫМДАСТЫРЫЛЫП, ӘЙЕЛДЕР МӘРТЕБЕСЕ КЕҢІНЕН НАСИХАТТАЛУЫ КЕРЕКТІГІН АТАП ӨТТІ.
