Түркістан қаласындағы «Достық үйінде» украиналық «UBC» компаниясының серіктестері және инвесторларымен бизнес-форум өтті. Халықаралық форумға Украина, Түркия, Грузия, Қытай, Әзербайжан, Өзбекстан және еліміздің ірі компания иелері мен өкілдері қатысты. Жиын барысында облыстың инвестициялық-экономикалық әлеуеті туралы презентация жасалды.
Бұл іс-шара – идеялар алмасатын және жеткен жетістіктер туралы ой бөлісетін алаң. Мемлекет басшысының тікелей тапсырмасымен өңірге инвестиция тарту жұмыстары қарқын алып, кәсіпорындар ашылуда. Түркістан – Ұлы Жібек жолында орналасқан Қазақстанның тарихи-мәдени орталығы. Тарихы терең шаһардың бүкіл түркі халықтары үшін рухани маңызы жоғары. Облыс әкімі Нұралхан Көшеров аймақтың инвестициялық әлеуетіне тоқталып, жиынға қатысушыларды бірлесе жұмыс істеуге шақырды. Сондай-ақ өңір басшысы, тоңазытқыштар өндірісі жобасының сәтті жүзеге асатынына сенім білдірді.
Сіздерді түркі тілдес халықтардың жүрегі саналатын Түркістан қаласында қарсы алғаныма қуаныштымын! Бүгінгі іс-шара – идеялар алмасатын және жеткен жетістіктер туралы ой бөлісетін тамаша алаң. Мемлекет басшысының тікелей тапсырмасымен өңірге инвестиция тарту жұмыстары қарқын алып, кәсіпорындар ашылуда. Түркістан – Ұлы Жібек жолында орналасқан Қазақстанның тарихи-мәдени орталығы. Тарихы терең шаһардың бүкіл түркі халықтары үшін рухани маңызы жоғары. Батыс пен шығыстың арасындағы сауда қатынастары, тиімді географиялық орналасуы және көптеген тарихи нысандары Түркістанды Орталық Азиядағы инвестициялар мен туризмнің орталығына айналдыруға зор мүмкіндіктер береді. 2018 жылы құрылған Түркістан облысы сауда-экономикалық байланыстарды және өзара тиімді ынтымақтастықты дамыту үшін үлкен әлеуетке ие. Қазіргі уақытта өңірдің инвестициялық қоржынында 2025-2028 жылдарға жоспарланған 110 инвестициялық жоба бар. Бұл жобалар 4,6 миллиард АҚШ долларына дейін инвестиция тартуға және 19 мыңнан астам жаңа жұмыс орнын құруға мүмкіндік береді. Сондай-ақ, өңірде «TURAN» арнайы экономикалық аймағы және индустриалды аймақтар сияқты инвестициялық алаңдар бар. Облыс әкімдігі инвесторлардың барлық бастамаларын қолдауға дайын екенін атап өткім келеді.
Маңызды басқосуда «Түркістан Инвест» компаниясының басқарма төрағасы Өмірзақ Юсупов Түркістан облысының инвестициялық әлеуетін таныстырып, ұсынылатын мүмкіндіктер туралы баяндады. Өңір бизнеске бағдарланған аймақ. Облыста 210 мыңнан астам шағын және орта бизнес өкілі жұмыс істейді. Оның ішінде, 160-тан астам компания шетелдік инвесторлардың қатысуымен іске асырылуда. Сонымен қатар 80 мыңнан астамы шаруашылық және фермерлік қожалықтар. Соңғы 6 жылда Үкіметтің және аймақ басшысының қолдауымен өңірде инвестиция тарту бойынша ауқымды шаралар атқарылды. 2018 жылдан бері облысқа шамамен 9 миллиард АҚШ доллары көлемінде инвестициялар тартылды. Оның ішінде, 63%-ы – жеке инвестициялар. Басым бөлігі өнеркәсіп, жылжымайтын мүлік, ауыл шаруашылығы, туризм және жаңартылатын энергия көздері сияқты салаларға бағытталды.
Жалпы Түркістан облысының инвестициялық әлеуеті жоғары. Сол себепті шетелдік кәсіпкерлерді осы өңірге инвестиция тартуға шақырамын. Облыс аумағында 2 млнға жуық тұрғын бар. 70 пайызға жуығын жастар құрайды. Демек өңірдің даму перспективасы расымен де жоғары нәтижелерді көрсетіп келеді. Инвестициялық жобаларды жүзеге асыру барысында облыста жұмысшылар мен бірқатар артықшылықтарының бар екендігін жеткізгім келеді. Сонымен қатар Түркістан облысының ауа райыда шет елдік инвесторлар үшін де қолайлы. Әсіресе ауылшаруашылығы мен күн энергетикасы салалары үшін қолайлы климат аумағында орналасқан. Сондай-ақ Түркістан облысы табиғи қазба ресурстарына да бай аймақ. Мәселен уран, алтын, темір және тағы да басқалары. Сонымен қатар өңір Батыс Қытай Батыс Еуропа халықаралық логистикалық жолының аумағында орналасқан. Демек бұл дегеніміз осы арқылы кәсіпкерлер әлемдік деңгейде де жақсы жетістіктерді көрсете алады.
«UBC Group» басшылығы 2023 жылы өндірістік алаңдарын Қазақстанда орналастыру туралы шешім қабылдап, жаңа зауыт салу үшін орын іздей бастағанын жеткізді. Түркістан облысының әкімдігімен тиімді жұмыс істеу нәтижесінде осы аймақ таңдалғанын айтты. Компанияның тарихы мен жеткен жетістіктеріне тоқталып бірнеше бағыт бойынша сәтті жұмыс істеп келе жатқанын мәлімдеді, сонымен қатар әлемдік ірі компаниялармен серіктес екенін айтты. Форум соңында қатысушылар сұрақтарын қойып, пікір алмасты. Шет мемлекеттерден келген инвесторлар Түркістан облысының инвестициялық әлеуетін оң бағалап, бірлесе жұмыс жасауға ниет білдірді.
