Бүгін әскерде борышын өтеп қайтқан сарбаздарды теміржол вокзалында салтанатты түрде қарсы алу рәсімі өтті. Туған жерге оралған жауынгерлерді әскери қызметкерлер,ата-аналары, достары мен жақындары сағынышпен күтіп алып, зор қошемет көрсетті.
Отан алдындағы борышын абыроймен атқарған 28 сарбаз Алматы қаласынан оралды. Жас сарбаздарды туыс-туғандары мен Шымкент гарнизоны шерулі оркестрдің үнімен күтіп алды. Құшақ-құшақ гүлдер салтанатты жиынның сәнін арттырды.Әскерге аттанған сарбаздарды сән-салатанатымен қарсы алу дәсүрге айналып келеді. Әскерге аттанған өрімдей балалардың қысқа мерзімде есейіп, ер-азамат болып оралғанына қуаныштымын, Серікбай Оңбаев.
Шара барысында құттықтау сөз сөйлеп, сарбаздардың Отан алдындағы қызметін жоғары бағалады.Сондай-ақ әскери қызметтің жауапкершілігін атап өтіп, олардың ерлік пен патриотизм рухында тәрбиеленгенін жеткізді.
Жас сарбаздар өз кезектерінде әскери өмірден алған тәжірибелерімен бөлісіп, армияда өткен күндерінің маңыздылығын атап өтті. Ел қорғау – әрбір азаматтың қасиетті парызы екенін жеткізді.
