АҚШ-тың оңтүстік-шығысында тасқыннан 10 адам опат болды. Қаза тапқандардың көбі – Кентукки штатының тұрғындары. Мұнда кейінгі бір тәулікте мыңнан аса құтқару операциясы жүргізілген. Еске сала кетейік бұдан алдын АҚШ-та толассыз жауған жауынның салдарынан бірқатар аймақты су басқан болатын.
Штатта қазіргі кезде тиісті жұмыстар әлі де жалғасып жатыр. Бұл штат үшін кейінгі 10 жылдағы ең алапат тасқын болды. Сондықтан төтенше жағдай жарияланды. Кентуккиден бөлек тағы бірқатар штаттағы жағдай қиын. Су басқан үйлер мен бүлінген көлікте есеп жоқ. 250 мыңға жуық үй жарықсыз қалған. Ал синоптиктер алдағы күндері тасқын қаупі сақталатынын ескертеді.
