Облыс әкімі Нұралхан Көшеров Сарыағаш ауданына жұмыс сапары барысында бірқатар нысандарды аралап, жобалармен танысты. Аудандағы ең ірі «Бәйтерек-Шымкент» ЖШС-нің кондитерлік өнімдер өндіретін кәсіпорынның жұмысымен танысты. Сонымен қатар «Қапланбек» кеден бекетінің басшысы Ержан Шынәділ бекетте атқарылып жатқан жұмыстар туралы баяндап, алдағы уақыттағы жұмыс жоспарларымен бөлісті. Азық-түлік қауіпсіздігі және тұрғындарды сапалы әрі қолжетімді азық-түлікпен қамтамасыз ету — маңызды бағыттардың бірі. Оңір басшысы жұмыс сапары барысында жергілікті шаруалармен кездесіп, саладағы маңызды мәселелерді талқылады.
Бүгінде 40-тан астам адамды тұрақты жұмыспен қамтыған «Бәйтерек-Шымкент» цех, айына 70-80 тонна, ал жылына 960 тонна өнім өндіруге қауқарлы. Цехта 32 түрлі өнім шығарылуда. Қазіргі таңда өндірілген тәттілер еліміздің түкпір-түкпіріне ғана емес, сонымен қатар Әзербайжан мемлекетіне де жөнелтілуде. Кәсіпорынға орнатылған қондырғылар Италия және Ресей елдерінен алынған. Сонымен қатар Нұралхан Көшеров бой көтеріп жатқан 300 орынға лайықталған жайлы мектептің жай-күйімен танысты. Жауапты басшыларға, Бас мердігер – «А-СПЕЦСТРОЙ» ЖШС нақты тапсырмалар берді. 2 қабататтан тұратын мектепте қазіргі таңда инженерлік инфрақұрылым жұмыстары ауыз су, электр, интернетке қосу жұмыстары толығымен аяқталған. Сондай-ақ шахардағы «Қапланбек» өткізу пункті алдыңғы қатарлы халықаралық стандарттар бойынша жаңғыртылған. Шекарадан өту кезінде мемлекеттік бақылау түрлерін жүзеге асыру кезінде қолданылатын ең озық технологиялық жабдықтармен және екі бағытта 16 паспорттық бақылау кабиналарымен жабдықталған. Жеке тұлғалардың шекарадан ыңғайлы өтуі үшін барлық жағдай жасалған. Көлік ағыны қозғалысының барлық циклі автоматтандырылған. Өткізу қабілеті тәулігіне 20 мың жеке тұлғаға және 800 автокөлік құралына дейін ұлғайтылды.
Сарыағаш қаласындағы жергілікті шаруаларда назардан тыс қалмады. Саладағы маңызды мәселелер талқыланып, диқандарды ауыл шаруашылығы өнімдерін өңдеу бағытына бет бұруға шақырды. Сондай-ақ қажет емес делдалдарды жою жолдары айтылды. Кездесуде көтерме дистрибьюторлық орталық ашу мәселесі көтерілді. Сарыағаш қаласындағы бірқатар нысандарды аралаған облыс әкімі мердігер мекемелерге өкіліне құрылыс жұмыстарына сапалы материалды қолдануды және жобаларды іске асыратын кәсіпкерлерге, сондай-ақ жауапты мамандарға жұмысты күшейтуді тапсырды.
